ڈیوس کپ ٹائی پاکستان میں ہی ہوگی، ٹینس فیڈریشن نے بھارتی اپیل مسترد کردی
انٹرنیشنل ٹینس فیڈریشن کے آزاد ٹربیونل نے فیصلہ سنا دیا ،ٹینس فیڈریشن نےبھارتی اپیل مسترد کرتے ہوئے فیصلہ سنایا۔
انٹرنیشنل ٹینس فیڈریشن نے اپنےفیصلے میں کہا پاکستان میں ڈیوس کپ نہ کھیلنے کی کوئی ٹھوس وجہ نہیں،پاکستان میں سیکیورٹی صورت حال ایسی نہیں کہ میچ نہ ہوسکیں
گزشتہ ایک ماہ میں پاکستان کا مؤقف دو بار تسلیم کیا گیا اور آزاد ٹربیونل نے بھارت کو فروری میں پاکستان کا دورہ کرنے کا فیصلہ سنایا۔
بھارت،پاکستان میں عام انتخابات اورسکیورٹی کو بنیاد بناکرڈیوس کپ نیوٹرل وینیو پر کھیلناچاہتا تھا،گزشتہ ماہ بھی انٹرنیشنل ٹینس فیڈریشن نے بھارتی مؤقف کو تسلیم نہیں کیا تھا۔پاکستان اور بھارت کے درمیان ڈیوس کپ ٹائی 4 فروی کو کھیلے جائےگی۔
