ہانگ کانگ میں کثیرالمنزلہ رہائشی کمپلیکس میں گزشتہ رات لگنے والی آگ نے تباہی مچادی، آتشزدگی کے باعث ہلاک افراد کی تعداد 65 تک پہنچ گئی ۔
غیر ملکی خبر ایجسنی کے مطابق ہانگ کانگ کے شمالی علاقے میں ایک رہائشی کملیکس میں لگنے والی آگ نے دیکھتے ہی دیکھتے عمارت کے کئی بلاکس کو اپنی لپیٹ میں لے لیا ۔
رپورٹس کے مطابق آتشزدگی کے واقعے میں اب تک 65 افراد کی ہلاکت ہوچکی ہے جن میں سے 51 افراد موقع پر ہی ہلاک ہوئے جب کہ دیگر نے دوران علاج اسپتال میں دم توڑا ۔
ہانگ کانگ فائرسروس حکام کا بتانا ہے کہ رہائشی کمپلیکس کے 8 میں سے4 بلاکس میں لگی آگ پر قابو پایا جاچکاہے جب کہ دیگر بلاکس میں آگ پر قابو پانے کی کوشش جاری ہیں تاہم ایک رہائشی بلاک آگ سے متاثر نہیں ہوا ۔
