فیصل آباد کے اقبال سٹیڈیم میں مارخورز کے کپتان افتخار احمد نے ٹاس جیت کر پہلے بیٹنگ کا فیصلہ کیا جسے پینتھرز کے باولرز نے غلط ثابت کیا ۔
مارخورز کی پوری ٹیم پہلے کھیلتے ہوئے صرف 122 رنز پر ڈھیر ہوئی،اوپنر زین عباس 6 ، کامران غلام 2 رنز بنا سکے،جبکہ فخر زمان نے 46 اور حسیب اللہ نے 27 رنز کی اننگز کھیلی۔
ان کے بعد بسمہ اللہ خان 16 رنز سکے اور یوں پوری ٹیم 122 رنز بنا کر آؤٹ ہوگئی۔
پینتھرز کے محمد حسنین اور عرفات منہاس نے تین تین جبکہ ساجد خان نے 2 وکٹیں اپنے نام کیں۔
پینتھرز نے مقررہ ہدف 5 وکٹوں کے نقصان پر 18 اوورز میں آسانی کے ساتھ حاصل کیا او ٹرافی اپنے نام کرلی ۔
پینتھرز کی جانب سے عبدالواحد بنگلزئی نے 41 ، ساجد خان 15 اور عثمان خان 13 رنز بنا کر آؤٹ ہوئے، پھر رضوان محمود نے 16 اور کپتان شاداب خان نے 14 رنز کی ناقابل شکست اننگز کھیل کر اپنی ٹیم کو پانچ وکٹ سے فتح دلا دی۔
پینتھرز کی جانب سے فائنل میں دو شکار ،2 کيچز اور 15 رنز کی بدولت ساجد خان مین آف دی میچ بنے۔
فاتح ٹیم کے عثمان خان ٹورنامنٹ کے بہترین بلے باز ا ور بہترین وکٹ کیپر قرار جبکہ محمد حسنین نے بہترین بولر اور پلیئر آف دی ٹورنامنٹ کا ایوارڈ اپنے نام کیا۔
