اُمید ہے ایران اور امریکا مذاکرات جاری رکھیں گے: نائب وزیر اعظم اسحاق ڈار

اسلام آباد میں نائب وزیر اعظم و وزیر خارجہ اسحاق ڈار نے پریس بریفنگ کرتے ہوئے مذاکراتی عمل میں شریک امریکا اور ایران کے وفود کا شکریہ ادا کیا اور کہا کہ دونوں ممالک نے وزیراعظم کی درخواست پر مثبت رد عمل دیا۔ نائب صدر جےڈی وینس کی قیادت میں امریکی وفد پاکستان آیا، سپیکر باقر قالیباف کی قیادت میں ایرانی وفد نے مذاکرات میں شرکت کی۔
وزیر خارجہ اسحاق ڈار نے کہا کہ امید ہے فریقن مذاکرات جاری رکھیں گے۔ پاکستان دونوں ملکوں کے درمیان مذاکراتی عمل میں سہولتکار کا کردار ادا کرتا رہے گا۔ امید کرتے ہیں دونوں ملک خطے اور دنیا میں پائیدار امن اور خوشحالی کیلئے مثبت سوچ کے ساتھ آگے بڑھیں گے۔
دنیا میں امن کے لیے پاکستان نے ایک شاندار اور تاریخی سفارتی کردار ادا کیا ہے۔