نائب وزیراعظم اسحاق ڈار اور کویت کے وزیر خارجہ کے درمیان ٹیلیفونک گفتگو

اسلام آباد: نائب وزیراعظم اور وزیر خارجہ محمد اسحاق ڈار اور کویت کے وزیر خارجہ شیخ جراح جابر الاحمد الصباح کے درمیان ٹیلیفونک گفتگو ہوئی جس میں خطے کی حالیہ صورتحال پر تبادلہ خیال کیا گیا۔
گفتگو کے دوران دونوں رہنماؤں نے خطے میں جاری کشیدگی اور کویت پر ہونے والے حملوں پر گہری تشویش کا اظہار کیا۔ اس موقع پر نائب وزیراعظم اسحاق ڈار نے کویت کی قیادت اور عوام کے ساتھ پاکستان کی بھرپور یکجہتی کا اظہار کیا۔ انہوں نے خطے میں امن و استحکام کے لیے فوری مکالمے اور کشیدگی میں کمی کی ضرورت پر زور دیا۔ دونوں رہنماؤں نے اقوام متحدہ کی سلامتی کونسل میں زیرِ غور معاملات پر بھی تبادلہ خیال کیا۔ اس موقع پر پاکستان اور کویت کے درمیان موجود دیرینہ برادرانہ تعلقات کو مزید مضبوط بنانے کے عزم کا اعادہ بھی کیا گیا۔