نائب وزیراعظم اور ترکیہ کے وزیر خارجہ کے درمیان ٹیلی فونک رابطہ، علاقائی کشیدگی پر تبادلہ خیال

اسلام آباد: نائب وزیراعظم محمد اسحاق ڈار اور ترکیہ کے وزیر خارجہ حاقان فدان کی ٹیلیفون پر بات ہوئی ہے ۔ ترجمان دفتر خارجہ کے مطابق دونوں رہنماؤں نے علاقائی کشیدہ صورتحال پر بات کی۔ انہوں نے ترکیہ سمیت جاری حملوں پر تشویش کا اظہار کیا۔
دونوں رہنماؤں نے تحمل اور کشیدگی میں فوری کمی لانے پر زور دیا۔ نائب وزیراعظم نے ترکیہ کی سالمیت کی حمایت کرتے ہوئے علاقائی امن و استحکام کے لیے ملکر کوششیں جاری رکھنے پر اتفاق کیا۔