ڈھاکہ ٹیسٹ کے دوسرے روز بنگلادیش کی پوری ٹیم 413 رنز بناکر آوٹ ہو گئی،پاکستان نے پہلی اننگز میں ایک وکٹ پر 179 رنز بنالئے، میزبان ٹیم کی پہلی اننگز کا سکور مکمل کرنے کیلئے قومی ٹیم کو مزید 234 رنز کی ضرورت ہے ۔
ڈھاکہ ٹیسٹ کے دوسرے دن بنگلادیش کی پوری ٹیم کھانے کے وقفے کے بعد 413 رنز بناکر آؤٹ ہوگئی، مہمان ٹیم کی جانب سے کپتان نجم الحسن شانتو 101 اور مومن الحق 91 رنز بناکر نمایاں رہے ۔
پاکستان کی جانب سے محمد عباس نے 5 وکٹ حاصل کی جبکہ شاہین آفریدی نے 3 اور حسن علی ، نعمان علی نے ایک، ایک شکار کیے ۔
جواب میں ڈیبیو کرنے والے اوپنراذان اویس نے امام الحق کے ساتھ پہلی وکٹ پر 106 رنز کی شراکت بنائی، امام الحق 45 رنز بناکر آؤٹ ہوئے،اذان اویس 85 اور عبداللہ فضل 37 رنز بنا کر کریز پر موجود ہیں ۔
قومی ٹیم کے ایک اور ڈیبیو کرنے والے عبداللہ فضل کریز پر آئے اور انہوں نے دوسری وکٹ پر اذان اویس کے ساتھ مزید 73 رنز کا اضافہ کیا،دن کے اختتام تک پاکستان نے ایک وکٹ پر 179 رنز بنالیے ۔
بنگلادیش کی پہلی اننگز کا سکور پورا کرنے کیلئے قومی ٹیم کو مزید 234 رنز کی ضرورت ہے، میچ کے تیسرے ،چوتھےا ور پانچویں دن کا کھیل ابھی باقی ہے ۔
