گلگت بلتستان میں وزیراعظم شہبازشریف کی جانب سے مفت سولر سکیم کیلئے ڈیجیٹل قرعہ اندازی شروع ہو گئی، اس حوالے سے باقاعدہ آغاز بھی کردیا گیا ۔
گلگت: نگراں وزیر اعلیٰ گلگت بلتستان جسٹس (ر) یار محمد نے سولر سکیم کے پہلے مرحلے کا باقاعدہ آغاز بھی کردیا ہے،نگران وزیر اعلیٰ گلگت بلتستان نے کہا کہ گلگت بلتستان میں 58 میگاواٹ کے مفت سولر پینلز فراہم کیے جائیں گے،40 میگاواٹ گھریلو صارفین، 18 میگاواٹ کاروباری شعبے کیلئے مختص ہے ۔
انہوں نے کہا کہ شفافیت کیلئے درخواست دہندگان کا انتخاب ڈیجیٹل قرعہ اندازی سے ہوگا، سولر پینلز کراچی سے گلگت بلتستان منتقل، منصوبہ تیزی سے جاری ہے ۔
جسٹس (ر) یار محمد کا کہنا تھا کہ مفت سولر سکیم توانائی بحران کے حل میں سنگ میل ثابت ہوگی، سولر منصوبے سے عوام کو ماحول دوست اور پائیدار توانائی میسر آئے گی ۔
ان کا مزید کہنا تھا کہ حکومت میرٹ اور شفافیت کی پالیسی پر عمل پیرا ہے، منصوبے سے مستحق افراد تک سولر سکیم کے ثمرات بلا امتیاز پہنچیں گے ۔
