اسلام آباد سمیت ملک کے مختلف علاقوں میں زلزلے کے جھٹکے محسوس کیے گئے، ریکٹر سکیل پر زلزلے کی شدت 4.2 ریکارڈ کی گئی ۔
اسلام آباد: زلزلہ پیما مرکز کے مطابق وفاقی دارالحکومت سمیت گردونواح میں صبح 9 بج کر 37 منٹ پر زلزلے کے جھٹکے محسوس کئے گئے ۔
زلزلے کی وجہ سے لوگ کلمہ طیبہ کا ورد کرتے ہوئے گھروں سے نکل آئے، زلزلے کے جھٹکے اٹک، حسن ابدال، کامرہ، کھاریاں، حضرو اور گرد و نواح میں بھی محسوس کیے گئے ۔
زلزلہ پیما مرکز کے مطابق ریکٹر سکیل پر زلزلے کی شدت 4.2 ریکارڈ کی گئی جبکہ زلزلے کا مرکز تربیلا سے 50 کلو میٹر جنوب مغرب تھا، اور گہرائی 15 کلومیٹر تھی ۔
