راولپنڈی کرکٹ سٹیڈیم میں جاری پاکستان اور انگلینڈ کے درمیان فیصلہ کن ٹیسٹ میچ کی پہلی اننگز میں انگلینڈ کی پوڑی ٹیم 267 رنز بناکر آؤٹ ہوگئی۔
سپنر ساجد خان نے ایک بار پھر شاندار باولنگ کا مظاہرہ کرتے ہوئے 6 وکٹیں حاصل کیں، نعمان علی نے 3 جبکہ زاہد محمود نے ایک وکٹ اپنے نام کی ۔
انگلش اوپنر نے ٹیم کو 56 رنز کا آغاز فراہم کیا تاہم زیک کرولی 29 اور اوپنر بین ڈکٹ 52 رنز بناکر آؤٹ ہوگئے، اولی پوپ 3، جو روٹ اور ہیری بروک 5، 5، کپتان بین سٹوکس 12، ریحان احمد 6 اور جیک لیچ 16 رنز کے مہمان ثابت ہوئے۔
انگلش ٹیم کیلئے 7ویں وکٹ کی شراکت میں گس اٹکنسن اور جیمی اسمتھ نے 107 رنز کی پارٹنرشپ قائم کی تاہم اٹکنسن 39 رنز کی مزاحمتی اننگز کھیل کر وکٹ گنوا بیٹھے۔ بعدازاں 91 رنز بناکر جیمی اسمتھ بھی پویلین لوٹ گئے۔
تیسرے اور آخری ٹیسٹ کے پہلے روز کا کھیل ختم ہونے تک پاکستان نے انگلینڈ کی پہلی اننگز کے سکور 267 نرنز کے جواب میں 3 وکٹ کے نقصان پر 73 رنز بنا لئے ہیں ۔قومی ٹیم کو انگلینڈ کی پہلی اننگز کا سکور پورا کرنے کیلئے مزید 194 رنز کی ضرورت ہے ۔
پاکستان کی جانب سے عبداللہ شفیق 14،صائم ایوب 19 اور کامران غلام 3 رنز بناکر آوٹ ہوئے جبلہ کپتان شان مسعود اور سعود شکیل 16،16 رنز بناکر ناقابل شکست ہیں ۔
انگلینڈ کی جانب سے جیک لیچ، گس اٹکنسن اور شعیب بشیر نے ایک ایک وکٹ حاصل کی ۔اس سے قبل مہمان ٹیم کے کپتان بین سٹوکس نے پاکستان کیخلاف ٹاس جیت کر پہلے بیٹنگ کرنے کا فیصلہ کیا تھا ۔
