جنوبی وزیرستان اپر کے علاقے مکین بازار میں آئی ای ڈی دھماکہ ہوا ہے، پولیس حکام کے مطابق دھماکے کے نتیجے میںامن کمیٹی کا ایک رکن جاں بحق اور 8 افراد زخمی ہوگئے ۔
جنوبی وزیرستان اپر: مکین بازار میں موٹر سائیکل میں نصب آئی ای ڈی کے دھماکے کے نتیجے میں امن کمیٹی کا ایک رکن عنایت اللہ جاں بحق جبکہ 8 افراد زخمی ہوگئے ۔
پولیس کے مطابق دھماکہ جمعہ کے روز صبح تقریباً 10:45 بجے مکین بازار میں ہوا، جس کے نتیجے میں متعدد دکانوں اور سامان کو بھی نقصان پہنچا، زخمیوں میں امن کمیٹی کے تین ارکان بھی شامل ہیں، جنہیں طبی امداد کے لیے رزمک ہسپتال منتقل کر دیا گیا ہے ۔
واقعے کے بعد پولیس اور متعلقہ اداروں نے علاقے کو گھیرے میں لے کر تحقیقات شروع کر دی ہیں، جبکہ دھماکے کی نوعیت اور ذمہ داروں کا تعین کیا جا رہا ہے ۔
