ایف سی بلوچستان (نارتھ) نے دیگر قومی اداروں کے ساتھ مل کر انسداد اسمگلنگ کی کامیاب کارروائی کی ہے۔ انسداد اسمگلنگ کے اس کامیاب آپریشن میں 21 گاڑیوں کو ضبط کیا گیا جن میں اسمگلرز خفیہ راستوں کے ذریعے اسمگل شدہ اشیاء لے جارہے تھے۔
ضبط شدہ اشیاء میں بیٹل نیٹس ،ٹائرز، سگریٹس اور بھاری مقدار میں کپڑے کو قبضے میں لے کر کسٹم حکام کے حوالے کر دیا گیا۔ دوران آپریشن اسمگلرز کی جانب سے ایف سی کے جوانوں پر فائرنگ کی گئی اور قومی شاہراہ کو بلاک کیا گیا۔
ایف سی کی جانب سے شرپسند عناصر کے خلاف جوابی کارروائی کی گئی اور قومی شاہراہ کو عام عوام کیلئے کھول دیا گیا۔ ایف سی بلوچستان اور دیگر ادارے ایسے انتشاری ٹولے سے نبردآزما ہونے کیلئے ہمہ وقت تیار ہیں اور انسداد اسمگلنگ کی کارروائیاں جاری رہے گی۔
