چارووں صوبوں میں سینٹ کے حوالے سے بھی تیاریاں مکمل کر لی گئیں۔پنجاب اسمبلی کے ایوان کو پولنگ سٹیشن قرار دیا گیا ہے۔جبکہ خیبر پختونخوا میں سینیٹ انتخابات ملتوی ہونے کے خدشات بڑھ گئے ہیں
وفاق کے بعد ملک کی چاروں صوبائی اسمبلیوںمیں پولنگ کل صبح 9بجے سے شام 4بجے تک ہو گی جبکہ صوبائی الیکشن کمشنر اعجاز چوہان سینیٹ انتخاب میں ریٹرننگ آفیسر کے فرائض سرانجام دیں گے۔پنجاب میں کل سینیٹ کے لئے تین کیٹگریز کے لئے انتخاب ہو گا۔ پنجاب میں خواتین کی 2، ٹیکنوکریٹ کی 2 اور ایک اقلیتی نشست کے لئے ووٹنگ ہو گی جبکہ پنجاب میں جنرل نشستوں پر سات سینیٹرز بلامقابلہ منتخب ہوچکے ہیں۔خواتین کی نشست پر مسلم لیگ ن کی انوشہ رحمن، بشری انجم بٹ امیدوار ہیں جبکہ خواتین نشست پر پیپلز پارٹی کی فائزہ ملک اور سنی اتحاد کونسل کی صنم جاوید امیدوار ہیں۔
ٹیکنو کریٹ کی نشست پر مسلم لیگ ن کے محمد اورنگزیب اور مصدق ملک امیدوار ہیں جبکہ ٹیکنوکریٹ کی نشست پر سنی اتحاد کونسل کی ڈاکٹر یاسمین راشد امیدوار ہیں۔دوسری جانب اقلیت کی نشست پر مسلم لیگ ن کے خلیل طاہر سندھو اور سنی اتحاد کونسل کے آصف عاشق امیدوار ہیں۔دوسری جانب جنرل نشستوں پر سید محسن نقوی، پرویز رشید،احد چیمہ، ناصر بٹ، طلا ل چودھری، حامد خان ایڈووکیٹ، علامہ راجہ ناصر عباس بلامقابلہ منتخب ہوچکے ہیں۔سندھ اور بلوچستان میں بھی تیاریاں مکمل کرلی گئیں ہیں۔ ادھر خیبر پختونخوامیں سینیٹ انتخابات ملتوی ہونے کے خدشات بڑھ گئے تاحال صوبائی حکومت نے اجلاس بلانے سے متعلق سمری نہیں بھیجی۔قانونی ماہرین کیساتھ مشاوت کے باوجودمسئلہ حل نہ ہوسکا۔
