امریکی صدر ڈونلڈ ٹرمپ نے ایک بار پھر فیلڈ مارشل کی تعریف کرتے ہوئے کہا کہ آرمی چیف عاصم منیر سے میری ملاقات ہوئی، وہ بہترین انسان ہیں، ان کی شخصیت متاثر کن ہے ۔
دی ہیگ میں نیٹو اجلاس سے خطاب کرتے ہوئے امریکی صدر نے کہا کہ پاکستان کے آرمی چیف فیلڈ مارشل عاصم منیر گزشتہ ہفتے ان کے دفتر آئے تھے ، ان سے میری ملاقات ہوئی ۔
انہوں نے کہا کہ پاکستان کے آرمی چیف فیلڈ مارشل عاصم منیر ایک اچھے اور متاثر کن انسان ہیں، انہوں نے صورتحال کو سمجھا اور مثبت رویہ اختیار کیا ۔
ڈونلڈ ٹرمپ نے کہا کہ پاکستان اور بھارت دونوں جوہری طاقتوں کے حامل ممالک ہیں اور ان کے درمیان جنگ کو امریکہ نے رکوایا ۔
امریکی صدر کا کہنا تھا کہ میری موجودہ دور کی بڑی کامیابی پاکستان اور بھارت کی جنگ رکوانا ہے، میں نے دونوں ممالک کو فون کر کے کہا تھا کہ جنگ ختم کرو ورنہ امریکہ آپ کے ساتھ تجارت نہیں کرے گا ۔
