ریسکیو حکام کے مطابق کوئٹہ میں مغربی بائی پاس پر پیٹرول سے بھرے رکشے سے تصادم کے بعد بس میں آگ بھڑک اٹھی، واقعے میں 6 مسافر جاں بحق جبکہ 7 زخمی ہوگئے ۔
ریسکیو حکام کا کہنا ہے کہ آگ لگنے کا یہ واقعہ نواں کلی سے ہزارگنجی جانے والی بس اور رکشے میں مغربی بائی پاس کلی رئیسانی کے مقام پر ٹکراؤ کے بعد سامنے آیا ۔
ریسکیو حکام نے بتایا کہ بس میں آگ لگنے کی اطلاع ملتے ہی عملہ فوری موقع پر پہنچ گیا جس نے زخمیوں کو بس سے نکال کر اور ہسپتال منتقل کیا گیا۔
ریسکیو حکام کے مطابق آتشزدگی کی وجہ سے بس مکمل طور پر جل کر خاکستر ہوگئی ہے ،واقعے کی مزید تحقیقات جاری ہیں ۔
