بنوں میں شادی کی تقریب میں موسیقی کے دوران 2 گروپوں میں فائرنگ سے 3 افراد جاں بحق اور 8 زخمی ہوگئے، پولیس کے مطابق تقریب کے دوران خواجہ سرا کو چھیڑنے پر جھگڑا ہوا اور پھر فائرنگ ہوئی ۔
بنوں پولیس کے مطابق علاقہ نار جعفر میں گزشتہ رات گئے شادی کی تقریب میں موسیقی جاری تھی اس دوران خواجہ سرا رقص کر رہے تھے ک خواجہ سرا کو چھیڑنے پر دونوں گروپوں میں جھگڑا ہوگیا ۔
جھگڑے کے دوران دونوں گروہ اسلحے سے لیس تھے ، ایک دوسرے پر فائرنگ شروع کردی جس کے نتیجے میں 3 افراد جاں حق اور 8 زخمی ہوگئے ۔
پولیس کا کہنا ہے کہ جاں حق اور زخمیوں کو ڈسٹرکٹ ہیڈ کوارٹر ہسپتال منتقل کردیا گیا ہے ،جن میں 3 افراد کی حالت تشویشناک ہے ۔
