فلوریڈا کے شہر لاؤڈرہل میں کھیلے گئے ٹی ٹوئنٹی سیریز کے پہلے میچ میں پاکستان نے ویسٹ انڈیز کو سنسنی خیز مقابلے کے بعد 14 رنز سے شکست دے کر سیریز میں 0-1 کی برتری حاصل کرلی، پاکستان کے 179 رنز ہدف کے تعاقب میں ویسٹ انڈیز نے مقررہ اوورز میں 7 وکٹوں پر 164 رنز بنائے ۔
لاؤڈرہل: پہلے ٹی ٹوینٹی میچ میں میزبان ویسٹ انڈیز نے ٹاس جیت کر پہلے فیلڈنگ کا فیصلہ کیا ، پاکستان نے مقررہ اوورز میں 6 وکٹوں کے نقصان پر 178 رنز بنائے ۔
پاکستان کی جانب سے صائم ایوب نے جارحانہ انداز میں 57 رنز کی دھواں دھار اننگز کھیلی، جبکہ فخر زمان نے 28، حسن نواز نے 24 اور فہیم اشرف نے 16 رنز بنائے ،کپتان سلمان علی آغا اور محمد حارث بالترتیب 11 اور 6 رنز کے ساتھ ناٹ آؤٹ رہے ۔
ویسٹ انڈین بولنگ میں شیمار جوزف نے سب سے زیادہ 3 کھلاڑیوں کو پویلین کی راہ دکھائی، جبکہ ہولڈر، عقیل حسین اور شیفرڈ کے حصے میں ایک ایک وکٹ آئی ۔
179 رنز ہدف کے تعاقب میں ویسٹ انڈیز نے خطرناک آغاز کیا، لیکن پاکستانی بولرز نے شاندار کارکردگی دکھائی اور فوری میچ میں واپس آگئے ۔
ویسٹ انڈیز کی ٹیم مقررہ 20 اوورز میں 7 وکٹوں پر 164 رنز تک محدود رہی، محمد نواز نے 3 وکٹیں لے کر میچ کا پانسہ پلٹا، صائم ایوب نے بھی شاندار سپیل میں 2 کھلاڑیوں کو آؤٹ کیا، جبکہ شاہین آفریدی اور سفیان مقیم نے ایک ایک وکٹ حاصل کی ۔
شاندار 57 رنز اور 2 وکٹیں لینے پر صائم ایوب کو میچ کا بہترین کھلاڑی قرار دیا گیا ، دونوں ٹیموں کے درمیان سیریز کا دوسرا میچ اتوار 3 اگست کو کھیلا جائے گا ۔
