عام انتخابات کے لئے لکی مروت اور بنوں میں دفعہ 144 نافذ کردی گئی ہے
بنوں میں پی ٹی آئی کا اس دوران مرکزی الیکشن آفس بھی سیل کر دیا گیا ہے۔تفصیالات کے مطابق مخدوش صورتحال کے پیش نظر ضلع لکی مروت میں امن امان کے لئے دفعہ 144 نافذ کر دی گئی ہے۔دفعہ 144 کا نفاذ ڈپٹی کمشنر لکی مروت کے مطابق ایک ماہ کیلئے کیا جا رہا ہے۔اس حوالے سے ذرائع کے مطابق کہا گیا ہے کہ عام انتخابات کے پیش نظر ضلع بھر میں تمام امیدواروں اور سیاسی جماعتوں کوسختی سےایس او پیز پر عملدرآمد کرنا ہوگا۔ہوائی فائرنگ سمیت کالے شیشے ہٹانے کے ساتھ ساتھ، اسلحہ کی نمائش کے حوالے سے بھی ہدایات جاری کر دی گئیں ہیں۔ لکی مروت کے ڈپٹی کمشنر کا کہنا ہے کہ کارنر میٹنگ، ریلی اور جلسوں کیلئے ضلع بھر میں پیشگی اجات لازمی لینا ہوگی۔
دوسری طرف پرامن انتخابات کے انعقاد کیلئے ضلعی انتظامیہ کی جانب سے ضلع بنوں میں دفعہ 144 نافذ کر دی گئی ہے۔21 جنوری سے 19 فروری تک 30 دنوں کیلئے دفعہ 144 کا اطلاق پابندی سے ہوگا۔ ضلعی انتظامیہ کی جانب سے جاری اعلامیہ میں اس حوالے سے کہا گیا ہے کہ ضلع بھر میں دفعہ 144 نافذ ہونے سے لے کر 30 دنوں تک کالے شیشوں کا استعمال،اسلحہ کی نمائش، قطعی منع ہے۔ اس کےساتھ ہی بغیر اجازت کارنر میٹنگ کے انعقاد پر بھی پابندی ہوگی۔ دوسری طرف پولیس نے ضلع بنوں کے ڈومیل بازار میں پی ٹی آئی کا مرکزی الیکشن آفس سیل کردیا ہے۔
