وفاقی حکومت نے نئے سال کی آمد پر عوام کو بڑی خوشخبری دیدی، پیٹرولیم مصنوعات کی قیمتوں میں فی لیٹر 10 روپے 28 پیسے سستا کر دیا، نئی قیمتوں کا اطلاق یکم جنوری 2026 سے اگلے 15 روز کے لیے ہوگا ۔
اسلام آباد: پیٹرولیم ڈویژن سے جاری نوٹیفکیشن کے مطابق حکومت نے آئل اینڈ گیس ریگیولیٹری اتھارٹی کی تجاویز کی بنیاد پر پیٹرولیم مصنوعات کی قیمت میں ردوبدل کردیا ہے ۔
نوٹیفکیشن کے مطابق پیٹرول کی فی لیٹر قیمت میں 10 روپے 28 پیسے کمی کردی گئی ہے، جس کے بعد پیٹرول کی فی لیٹر قیمت265 روپے 65 پیسے سے کم ہوکر 257 روپے 8 پیسے مقرر کردی گئی ۔
اسی طرح ہائی سپیڈ ڈیزل کی فی لیٹر قیمت میں 8 روپے 57 پیسے کمی کردی گئی ہے اور فی لیٹر قیمت 263 روپے 45 پیسےسے کم ہوکر نئی قیمت 253 روپے 17 پیسے ہوگئی ہے ۔
نوٹیفکیشن میں بتایا گیا کہ پیٹرولیم مصنوعات کی نئی قیمتوں کا اطلاق یکم جنوری 2026 سے اگلے 15 روز کے لیے ہوگا ۔
