گورنر فیصل کریم کنڈی کی شہید بہادر سیکیورٹی فورسز کے جوانوں کے درجات بلندی اور پسماندگان کے لئے صبر جمیل کی دعا کی ہے۔
اپنے ایک بیان میں گورنر فیصل کریم کنڈی نے دہشت گرد حملے کی کوشش ناکام بنانے پر سکیورٹی فورسز کے جوانوں کو خراج تحسین پیش کیا ہے۔
انھوں نے کہا کہ دہشت گردی کے خلاف جنگ میں پوری قوم سکیورٹی فورسز کے شانہ بشانہ کھڑی ہے۔
وزیر اعلی خیبر پختونخوا علی امین گنڈاپور نے بھی بنوں حملے میں سیکیورٹی اہلکاروں کے جانی نقصان پر افسوس کا اظہار کیا ہے۔
علی امین گنڈاپور نے کہا کہ سکیورٹی فورسز کے جوانوں نے انتہائی بہادری کے ساتھ دہشت گرد حملے کو ناکام بنایا۔
سکیورٹی فورسز کی بروقت اور موثر کارروائی سے بنوں بڑی تباہی سے بچ گیا۔دہشت گردی کے خلاف جنگ میں سکیورٹی فورسز نے بے شمار قربانیاں دی ہیں۔ملک و قوم کی خاطر جانوں کا نذرانہ پیش کرنے والے سکیورٹی فورسز کے اہلکاروں کو سلام پیش کرتے ہیں۔
