گورنر خیبر پختونخوا نے کہا ہے کہ عدالتی حکم پر مخصوص نشستوں پر منتخب اراکین کا حلف لے کر کوئی غیر قانونی کام نہیں کیا،ماضی میں بھی حلف برداری کی تقاریب گورنر ہاوس میں منعقد ہوئی ہیں، جس میں گنڈا پور سمیت حکومت میں موجود لوگ شریک ہوئے ہیں ۔
پشاور: تقریب حلف برداری کے بعد میڈیا سے گفتگو کرتے ہوئے گورنر فیصل کریم کنڈی نے کہا کہ میں نے کوئی بھی غیر قانونی کام نہیں کیا بلکہ عدالتی احکامات پر عمل درآمد کرکے مخصوص نشستوں پر ممبر صوبائی اسمبلی سے خلف لیا ہے ۔
فیصل کریم کنڈی کا کہنا تھا کہ آج پی ٹی ائی نے کورم کی نشاندہی کرکے ایک نئی کہانی شروع کی، آج جو انہوں نے کیا کل یہ ان کے ساتھ ہوگا ۔
گورنر خیبر پختونخوا نے کہا کہ اپوزیشن کے ساتھ مل کر ہم سنیٹ کے کافی سیٹ لے سکتے ہیں جس کے لیے افہام و تفہیم کرینگے۔ ان کا کہنا تھا کہ آزاد امیدواروں کے ساتھ ملکر6,7 سینیٹ کی نشستیں جیت سکتے ہیں ۔
انہوں نے کہا کہ پی ٹی آئی نے خود اے ٹی ایم کے لیے جلوس نکالا، وہ جلوس اب کہاں ہیں، ماضی میں بھی حلف برداری کی تقاریب گورنر ہاوس میں منعقد ہوئی ہیں، جس میں گنڈا پور سمیت حکومت میں موجود لوگ شریک ہوئے ہیں ۔
