خیبر پختونخوا اسمبلی میں سینیٹ کی 11 نشستوں کے لیے پولنگ کے بعد ووٹوں کی گنتی کا عمل بھی مکمل ہو گیا ، صوبائی حکومت کے 6 اور اپوزیشن جماعتوں کے 5 اراکین سینیٹرز منتخب ہوگئے ۔
پشاور: خیبر پختونخوا میں سینیٹ کی 11 نشستوں کے لیے پولنگ کا عمل صبح 11 بجے شروع ہوا جو شام 4 بجے تک جاری رہا، تاہم اس میں مزید ڈیڑھ گھنٹے کی توسیع کی گئی ۔
الیکشن کے لیے کے پی اسمبلی کے جرگہ ہال کو الیکشن روم مقرر کیا گیا تھا اور سینیٹ الیکشن کے لیے سکیورٹی کے بھی انتہائی سخت انتظامات کیے گئے ہیں ۔
خیبر پختونخوا میں سینیٹ الیکشن کے دوران ہارس ٹریڈنگ سے بچنے کے لیے حکومت اور اپوزیشن نے 6 اور 5 نشستوں کا فارمولا طے کیا تھا، فارمولے کے مطابق حکومت کے حصے میں 6 جبکہ اپوزیشن کے حصے میں 5 نشستیں آئیں گی ۔
پی ٹی آئی نے جنرل نشستوں کے لیے مراد سعید، فیصل جاوید، مرزا آفریدی، نورالحق قادری کو نامزد کیا ہے جبکہ روبینہ ناز، اعظم سواتی بھی پی ٹی آئی کے امیدواروں میں شامل تھے ، سرکاری نتائج کے مطابق تحریک انصاف کے یہ سارے امیدوار سینیٹرز منتخب ہوگئے ۔
اعلامیہ کے مطابق اپوزیشن کی جنرل نشستوں پر ن لیگ سے نیاز احمد، پیپلز پارٹی سے روبينه خالد اور طلحہ محمود، جے یو آئی سے عطاء الحق درویش اور دلاور خان سینیٹرز منتخب ہوگئے ۔
