پشاور (خصوصی رپورٹر) — خیبر ٹیلی ویژن اپنے لاکھوں ناظرین کے لیے گرینڈ فیملی “خیبر عید اسپیشل شو” پیش کر رہا ہے، جس کی شاندار ریکارڈنگ بروز ہفتہ 23 مئی کو سہ پہر نشتر ہال پشاور میں کی جائے گی۔
پروگرام کی میزبانی معروف شخصیت اور پرائیڈ آف پرفارمنس جمشید علی خان کریں گے، جبکہ فلم اور ٹیلی ویژن کے مقبول فنکار اپنی بہترین پرفارمنس کے ذریعے حاضرین کو محظوظ کریں گے۔
شو کے دوران دلچسپ سوال و جواب کی نشست بھی رکھی گئی ہے، جس میں شریک خواتین و حضرات کو بیش قیمت انعامات دیے جائیں گے۔
خیبر ٹیلی ویژن کی جانب سے پشاور اور دیگر اضلاع کے شہریوں کو اپنے اہلِ خانہ کے ساتھ اس رنگا رنگ عید اسپیشل شو میں شرکت کی دعوت دی گئی ہے۔ پروگرام میں داخلہ مکمل طور پر مفت ہوگا۔
