ہری پور کے تھانہ کوٹ نجیب اللہ کی حدود میں مسلح ڈاکو زبردستی گاڑی کو چھین کر فرار ہو گئے۔زبردستی کرنے کے دروان ڈاکووں کی فائرنگ کے باعث ڈرائیور جاں بحق ہو گیا۔
ان ڈاکووں جن کی ابھی تک کوئی شناخت نہیں ہو سکی،انہوں نے کار جیکنگ کے دوران ہی گاڑی کے مالک کو بے دردی سےگولی مار کر قتل کر دیا۔ عوام نے تھانہ کوٹ نجیب اللہ کے سامنے مقتول ڈرائیور کی لاش کو رکھ کر احتجاج شروع کردیا۔ اس کے ساتھ ہی مقتول کے لواحقین نے فوری طور پر انصاف اور ملزمان کی جلدازجلد گرفتاری کا مطالبہ بھی کیا ہے۔
مظاہرین نے ڈاکووں کی گرفتاری تک مظاہرے کو جاری رکھنے کا اعلان کیا ہے۔ ہری پور پولیس کی بھاری نفری نے کاروائی کرتے ہوئے علاقے میں چھاپوں کا سلسلہ شروع کر دیا ہے۔ حکام نے لواحقین کو یقین دلایا ہے کہ وہ ملزمان کو پکڑ کر ان کو انصاف فراہم کریں گئے۔
