ہرنائی میں مسلح ڈاکووں کی فائرنگ کے باعث ایک نوجوان جاں بحق ہوگیا۔ پولیس ذرائع کے مطابق ہرنائی کلی اربوز کے قریب ڈاکووں نے حمد عمران نامی نوجوان سے موٹرسائیکل اور موبائل چھیننے کی کوشش کی۔ مزاحمت کرنے پر ڈاکووں نے نوجوان پر فائرنگ کردی جس سے وہ موقع پر ہی جاں بحق ہو گیا۔ ڈاکو نوجوان سے موٹرسائیکل اور ایک عدد موبائل چھین کر فرار ہوگئے۔ پولیس نے مقدمہ درج کر کے تفتیش شروع کر دی ہے۔
