خیبرپختونخوا کے مختلف اضلاع میں شدید دھند کے باعث سکولوں کا نیا ٹائم ٹیبل جاری کر دیا گیا، اعلامیہ کے مطابق مردان، چارسدہ، نوشہرہ اور صوابی کے سکول صبح 9 بجے کھلیں گے ۔
پشاور: خیبر پختونخوا میں شدید دہند کے باعث سکولوں کا نیا ٹائم ٹیبل جاری کردیا گیا ،اس حوالے سے ایجوکیشن ڈائریکٹوریٹ کی جانب سے جاری اعلامیہ کے مطابق 4 اضلاع میں سکول اب صبح 9 بجے کھلیں گے ۔
اعلامیہ میں کہا گیا ہے کہ نئے ٹائم ٹیبل کا اطلاق مردان، چارسدہ، نوشہرہ اور صوابی کے سکولوں پر ہوگا ۔
اعلامیے میں کہا گیا ہے کہ کلاس کا دورانیہ 5 منٹ کم کیا جاسکے گا، دھند کے خاتمے تک نیا ٹائم ٹیبل نافذ رہے گا، تمام سکولوں کو نئی ہدایات پر سختی سے عمل کرنے کا حکم دیا گیا ہے ۔
اعلامیہ کے مطابق فیصلہ طلبا و طالبات کے تحفظ کے پیشِ نظر کیا گیا، ایجوکیشن ڈائریکٹوریٹ نے نوٹیفکیشن تمام اضلاع کو بھجوا دیا، سکول سربراہان کو پابندی سے عمل درآمد یقینی بنانے کی ہدایت کی گئی ہے ۔
