پشاور (خصوصی رپورٹر) اسلامی نظریاتی کونسل کے سابق سربراہ اور ممتاز اسلامی سکالر ڈاکٹر قبلہ ایاز نے کہا ہے کہ حقوقِ العباد کی ادائیگی ایمان کا لازمی اور بنیادی حصہ ہے، اور اسی میں آخرت کی کامیابی پوشیدہ ہے۔
انہوں نے کہا کہ موجودہ دور میں معاشرے کا تقریباً 80 فیصد طبقہ تنگدستی کا شکار ہے اور اپنی سفید پوشی کو برقرار رکھنا ان کے لیے دن بہ دن مشکل ہوتا جا رہا ہے۔ ایسے حالات میں یہ ہم سب کی اجتماعی اور اخلاقی ذمہ داری بنتیہے کہ خصوصاً ماہِ رمضان اور عید کے موقع پر صاحبِ حیثیت اور مخیر حضرات آگے بڑھیں۔
ڈاکٹر قبلہ ایاز نے مخیر افراد پر زور دیا کہ وہ خودمختار ساوی کے ذریعے مستحق اور ضرورت مند خاندانوں کی مدد کریں۔ ان کا کہنا تھا کہ یہ فلاحی تنظیم اپنی شفاف کارکردگی اور اعتماد کی بنیاد پر دکھی انسانیت کی خدمت میں نمایاں کردار ادا کر رہی ہے۔
