وفاقی وزیر داخلہ اور اسلام آباد میں تعینات امریکی سفیر نیٹلی بیکر کے درمیان ملاقات ہوئی ہے، اس موقع پر محسن نقوی نے کہاکہ وزیراعظم شہبازشریف اور فیلڈ مارشل سید عاصم منیر امریکہ اور ایران مسئلے کےحل کے لیےہر سطح پر بھرپور کوششیں کر رہے ہیں ۔
اسلام آباد: وفاقی وزیر داخلہ محسن نقوی سے امریکی سفیر نیٹلی بیکر نے ملاقات کی جس میں خطے کی تازہ ترین صورتحال پر تفصیلی تبادلہ خیال کیا گیا اور اسلام آباد مذاکرات کے دوسرے دورکے انعقاد کے حوالے سے سفارتی کاوشوں پر بھی گفتگو ہوئی ۔
ملاقات میں امریکہ اور ایران تنازع کے دیرپا حل کے سفارتی چینلز کے تسلسل کی ضرورت پر زور دیا گیا اور وزیرداخلہ نے جنگ بندی میں توسیع کے لیے امریکی صدر ڈونلڈ ٹرمپ کے اقدام کو سراہا ۔
محسن نقوی نے کہا کہ صدر ڈونلڈ ٹرمپ کی جانب سےجنگ بندی میں توسیع خوش آئند ہے، وزیراعظم اور فیلڈ مارشل مسئلے کےحل کے لیےہر سطح پر بھرپور کوششیں کر رہے ہیں،امید ہےکہ فریقین سفارتی اور پر امن حل کو موقع دیں گے ۔
اس موقع پر گفتگو کرتے ہوئے امریکی سفیر نیٹلی بیکرنے خطے میں قیام امن اور تنازع کے حل کے لیے پاکستان کے تعمیری کردار کو سراہا ۔
