پشاور (خصوصی رپورٹر) — معروف قانون دان اور سماجی کارکن بخت روان ایڈوکیٹ نے کہا ہے کہ خیبر ٹیلی ویژن نیٹ ورک نے اپنے پروگراموں کے ذریعے قانون کی بالادستی اور اس کی اہمیت سے ناظرین کو مؤثر انداز میں آگاہ کیا ہے۔
اخبار خیبر سے ملاقات کے دوران انہوں نے کہا کہ خیبر ٹی وی نے نہ صرف مختلف شعبہ ہائے زندگی سے تعلق رکھنے والے باصلاحیت افراد کو اپنے مارننگ شوز میں مدعو کیا بلکہ قانونی معاملات، خصوصاً تعزیراتِ پاکستان کی مختلف دفعات کے حوالے سے آگاہی دینے کے لیے سینئر وکلاء کو بھی نمایاں پلیٹ فارم فراہم کیا، جو ایک قابلِ تحسین اقدام ہے۔
بخت روان ایڈوکیٹ کے مطابق خیبر ٹیلی ویژن نیٹ ورک واحد قومی نجی چینل ہے جو نہ صرف پاکستانیت کے فروغ میں اہم کردار ادا کر رہا ہے بلکہ اپنے معیاری پروگراموں کے ذریعے امن، رواداری اور بھائی چارے کے پیغام کو بھی مؤثر انداز میں عام کر رہا ہے۔
انہوں نے مزید کہا کہ ایسے اقدامات معاشرے میں شعور بیدار کرنے اور قانونی آگاہی بڑھانے میں اہم کردار ادا کرتے ہیں۔
