گجرات میں خاتون نے غصے میں آکر اپنے 2 بچوں کو تیزاب پلا کر قتل کردیاـقتل کرنے کی وجہ شوہر سے جھگڑا اور طلاق کی دھمکی تھی ـ
ذرائع کے مطابق گجرات میں ایک دلخراش واقعہ پیش آیا جہاں ایک خاتون نے شوہر سے معمولی جھگڑے پر اپنے دو بچوں کو تیزاب پلا کر ان کی جان لے لی ـ جاں بحق ہونے والوں بچوں کی عمریں بلترتیب 6 اور 7 سال تھیں ـ جس میں 6سال کا آہل اور7 سال کا ساحل شامل ہیں ـ جبکہ ملزمہ کا شوہربیرون ملک مقیم ہے۔
تفصیلات کے مطابق ،واقعہ گجرات کے نواحی گاوں بدھووال میں پیش آیا تھا، پولیس نے دہرے قتل کا مقدمہ درج کرکے خاتون کو کو حراست میں لے لیا ـ پولیس کی تفتیش کے دوران ملزمہ سدرہ نے بتایا کہ خاوند مشاہد سےفون پرجھگڑا ہوا تھا۔ جھگڑے کی وجہ سےشوہر نے طلاق کی دھمکی دی تھی، جس پروہ غصے میں آگئی ، جس کے بعد اس نے یہ قدم اٹھایا۔
پولیس کی رپورٹ کے مطابق ، خاتون نے بچوں کو پہلے تیزاب پلایا پھر گلا دبا کرقتل کیا ، اور خود بھی تیزاب پی کر ڈوپٹے سے لٹک کرخودکشی کی کوشش کی تاہم اس کو تشویش ناک حالت میں اسپتال منتقل کر دیا گیا۔
ذرائع کے مطابق ،ایس پی مہر محمد ریاض ناز نے بتایا کہ خاتون کے خلاف دہرے قتل کا مقدمہ درج کرکے اسے باقاعدہ حراست میں لے لیا گیا ہے، خاتون کے خلاف قتل کا مقدمہ جیٹھ ارشد کی مدعیت میں درج کیا گیا ہے۔
