پشاور: خیبر پختونخوا میں قابل استعمال دودھ نایاب ہو گیا ہے، صوبے بھر میں صرف 7 فی صد دودھ قابل استعمال ہے۔
کے پی فوڈ سیفٹی اتھارٹی نے اپنی ایک رپورٹ میں انکشاف کیا ہے کہ خیبر پختونخوا میں 93 فی صد شہری مضر صحت دودھ استعمال کررہے ہیں۔
رپورٹ میں بتایا گیا ہے کہ ٹیسٹ کے دوران دودھ کے 583 میں سے 541 نمونے غیر معیاری اور مضر صحت پائے گئے۔
رپورٹ کے مطابق 417 نمونوں میں گلوکوز ،پانی اور متعدد دیگر خطرناک کیمیکلز کی ملاوٹ پائی گئی۔
وزیر اعلیٰ علی امین گنڈاپور کے آبائی شہر ڈی آئی خان میں 100 فی صد دودھ مضر صحت نکلا۔
بنوں میں بھی 100 فیصد دودھ ناقص قرار دیا گیا، ملاکنڈ میں 97 فیصد، پشاور میں 94 فیصد اور کوہاٹ کے لوگ 28 فی صد مضر صحت دودھ کا استعمال کر رہے ہیں۔
