پنجاب کابینہ کی تشکیل کا معاملہ, حتمی نام سامنے آگئے

پنجاب کابینہ کی تشکیل کا معاملہ۔ حتمی نام سامنے آگئے۔صوبائی کابینہ کے اراکین آج چار بجے حلف لیں گے

ذرائع کے مطابق تقریب حلف برداری آج شام 4بجے پنجاب گورنر ہاؤس میں ہو گی۔مریم اورنگزیب کو سینئر صوبائی وزیر بنانے کا فیصلہ کیا گیا ہے جبکہ ان کے پاس پلاننگ اینڈ ڈویلپمنٹ، انوائرمنٹ اور محکمہ جنگلات کی وزارتیں بھی ہوں گی۔عظمی بخاری اطلاعات اور کلچر کی وزیر ہوں گی۔عاشق حسین کرمانی کو محکمہ زراعت کی وزارت دی جائے گی۔کاظم پیرزادہ محکمہ آبپاشی کا قلمدان سنبھالیں گے، رانا سکندر حیات کو پرائمری ایجوکیشن کی وزارت تفویض کی جائے گی۔

چودھری شافع حسین کو محکمہ انڈسٹریز کی وزارت دی جائے گی۔ صوبائی کابینہ میں پہلی بار سکھ برادری سے تعلق رکھنے والے افراد کو بھی نمائندگی دی جائے گی۔رمیش سنگھ آروڑہ کو اقلیتوں کی وزارت دینے پر غور کیا جا رہا ہے۔اسی طرح طاہر خلیل سندھو ہیومن رائٹس کی وزارت سنبھالیں گے۔ شیر علی گورچانی کو مائنز اینڈ منرلز، خواجہ سلمان رفیق کو محکمہ سپیشلائزڈ ہیلتھ، خواجہ عمران نذیر کو محکمہ پرائمری اینڈ سکینڈری ہیلتھ جبکہ ذیشان رفیق کو محکمہ بلدیات اورصہیب برتھ کو محکمہ مواصلات کی وزارت ملے گی۔