بھارت میں شرپسندوں نے اجمیر میں امام مسجد کو بے دردی سے قتل کردیا ہے۔
دنیا کی سب سے بڑی جمہوریت ہونے کے دعویدار بھارت میں اقلیتوں کے ساتھ ہونے والا ظلم کوئی نئی بات نہیں، بھارت میں ایک اور افسوسناک واقعے میں شرپسندوں نے امام مسجد کو بے دردی سے قتل کردیا۔غیر ملکی خبررساں اداروں کے مطابق راجستھان میں اجمیر کے رام گنج تھانے کے علاقے میں شرپسند عناصر صبح کے وقت مسجد میں داخل ہوئے اور انہوں نے مسجد میں داخل ہوتے ہی امام مسجد کو قتل کر دیا اور ساتھ ہی فرار ہوگئے۔
اس حوالے سے پولیس ذرائع کا کہنا ہے کہ صبح تقریباً تین بجے محمدی مدینہ مسجد میں تین نقاب پوش ملزمان داخل ہوئے اور امام مولانا محمد ماہر کو لاٹھیوں سے حملہ کرکے بے دردی سے قتل کردیا۔پولیس نے مولانامحمد ماہر کی لاش کو جواہر لعل نہرو اسپتال کے مردہ خانہ میں منتقل کردیا ہے، جبکہ سی سی ٹی وی کی مدد سے ملزمان کی شناخت کی کوشش کی جارہی ہے۔پولیس کے مطابق پڑوسیوں سے بھی تفیش کی گئی ہے، جس سے پتہ چلا ہے کہ یو پی کے رام پور علاقے کے مولانا ماہر 7 سال پہلے یہاں آ کر رہائش پذیر ہوئے تھے۔مسجد کے سربراہ مولانا ذاکر حسین کی 28 اکتوبر کو علالت کے باعث انتقال ہونے کے بعد سےمحمد ماہر کو 6 ماہ قبل سربراہ مولانا کی ذمہ داری دی گئی تھی۔
