فیلڈ مارشل عاصم منیر نے کہا ہے کہ بھارت اپنی جعلی فوجی طاقت اور سٹریٹجک پلان سے سیاسی فوائد حاصل کرنا چاہتا ہے، معرکہ حق بھارت کی یادداشت سے کبھی ختم نہیں ہوگا،ہماری دشمن بھارت متکبرانہ اور جارحانہ رویے کا مسلسل مظاہرہ کررہا ہے ، پاکستان کے موثر جواب نے پورے خطے کو بڑے تنازع سے بچا لیا ۔
کراچی: شہر قائد میں پی این ایس رہبر میں پاکستان نیوی کی پاسنگ آؤٹ پریڈ سے خطاب کرتے ہوئے فیلڈ مارشل سید عاصم منیر کا کہنا تھا کہ دوست ملک ترکی، بجرین، عراق، فلسطین اور جبوتی کے کامیاب کیڈٹس کو مبارک باد پیش کرتا ہوں ، آپ پاک بحریہ کا حصہ بننے جارہے ہیں ۔
انہوں نے کہا کہ ایواڈ جیتنے والے کیڈٹس اپنی شاندار کارکردگی پر خصوصی تعریف کے مستحق ہیں، پریڈ میں کیڈٹس کا مثالی ٹرن آؤٹ پاکستان نیول اکیڈمی کے اعلیٰ معیار کا مظہر ہے، اپنی پیشہ ورانہ صلاحیتوں کو جاری رکھیں ۔
فیلڈ مارشل کا کہنا تھا کہ ترقی کیلئے عوام اور فوج کے درمیان مضبوط رشتہ ناگزیر ہے ، بحری جنگ کا میدان تیزی سے تبدیل ہورہا ہے، خطے میں میری ٹائم سکیورٹی کے مسائل بڑھ رہے ہیں ، پاکستان کے لیے مضبوط میری ٹائم فورس رکھنا ناگزیز ہوچکا ہے۔
سید عاصم منیر نے کہا کہ دہشتگردی کی جنگ کو منطقی انجام تک پہنچائیں گے، معرکہ حق بھارت کی یادداشت سے کبھی ختم نہیں ہوگا،ہماری دشمن بھارت متکبرانہ اور جارحانہ رویے کا مسلسل مظاہرہ کررہا ہے ، پاکستان کے موثر جواب نے پورے خطے کو بڑے تنازع سے بچا لیا ۔
ان کا کہنا تھا کہ بھارت اپنی فوجی طاقت اور جعلی سٹریٹجک پلان سے سیاسی فوائد حاصل کرنا چاہتا ہے، بھارت نے دہشت گردی خلاف کارروائی کے بہانے دوبارہ پاکستان پر بلاجواز حملے کیے ، بھارت کی اشتعال انگیزی کے باوجود پاکستان سے تحمل کا مظاہرہ کیا، آج پاکستان خطے میں’ نیٹ ریجنل سٹبلائزر‘ کے طور پر جانا جاتا ہے ۔
فیلڈ مارشل نے مزید کہا کہ کشمیر کے تنازع کو حل کرنا ہوگا، کشمیری بھارت کے غیر قانونی قبضے کے خلاف جدوجہد کررہے ہیں ، ایسے وقت میں ہمیں کشمیریوں کو یاد رکھنا چاہیے، حق خوداداریت کی جدوجہد کے لیے کشمیریوں کے ساتھ ہے، پاکستان مسئلہ کشمیر کے حل کا حامی ہے ۔
قبل ازیں پاکستان نیول اکیڈمی پی این ایس رہبر میں فیلڈ مارشل عاصم منیر کو پاک بحریہ کے چاق و چوبند دستے نے سلامی دی، فیلڈ مارشل عاصم منیر نے پریڈ کا معائنہ کیا ۔
فیلڈ مارشل عاصم منیر نے 123ویں مڈ شپ مین اور 31ویں شارٹ سروس کمیشن کورس میں نمایاں کارکردگی دکھانے والے کیڈٹس میں انعامات بھی تقسیم کیے، تقریب میں پاک بحریہ کے اعلیٰ افسران بھی شریک ہوئے اورفارغ التحصیل کیڈٹس کے اہل خانہ نے بھی شرکت ک۔
پاک فوج کے سربراہ فیلڈ مارشل سید عاصم منیر پاکستان نیول اکیڈمی پی این ایس رہبر کراچی میں پاک بحریہ کے کیڈٹس کی پاسنگ آؤٹ پریڈ میں مہمان خصوصی کی حیثیت سے شریک ہوئے، تقریب میں اہم شخصیات کے علاوہ غیر ملکی سفارت کار بھی شریک ہوئے ۔
پاسنگ آؤٹ پریڈ میں فارغ التحصیل کیڈٹس سے ذمہ داریوں کا حلف لیا گیا، تقریب میں مہمان خصوصی فیلڈ جنرل مارشل عاصم منیر نے نمایاں کارکردگی دکھانے والے کیڈٹس کو اعزازات سے نوازا ۔
