آپریشن بنیان مرصوص کی شاندار کامیابی اور بھارتی طیاروں کی تباہی پربھارتی سیاستدانوں نے اپنی ہی فضائیہ پر برہمی کا اظہار شروع کردیا۔
مشرقی اُدھم پور میں بی جے پی کے رکن لوک سبھا رنبیر سنگھ پٹھانیا نے بھارتی فضائیہ کو نالائق اور نااہل قرار دیدیا
رنبیر سنگھ پٹھانیا نے بھارتی فضائیہ کے بارے میں کہا کہ آپریشن سندور کے دوران سب جانتے ہیں کیا ہوا ، نالائقی ہو گی ان کی سو رہے ہونگے یہ لوگ ۔
رنبیر سنگھ پٹھانیا نے کہا کہ اس میں ہمارا کوئی قصور نہیں ہے ہم نے تو ان کو اپنی پلکوں پر بٹھا کے رکھا ،رنبیر سنگھ پٹھانیا کا اشارہ بھارتی فضائیہ کی نالائقی اور پاک فضائیہ کی کامیابی کی جانب تھا ۔
6 اور 7 مئی کی درمیانی شب پا ک فضائیہ نے بھا ر ت کے 3 رافیل ، ایک مگ 29، 1 ایس یو 30 اور 1 معراج طیارہ مار گرایا ۔
رافیل اور ا ایس یو -30 جیسے جدید طیاروں کی تباہی نے بھارتی فضائیہ کی برتری کے تمام دعوے بے نقاب کر دیئے ۔
بھارت کی جانب سے تباہ شدہ طیاروں سے متعلق مکمل خاموشی بھارت کی شکست کے مترادف ہے،بھارتی طیاروں کی تباہی کے شواہد بین الاقوامی میڈیا بھی پیش کرچکا ہے ۔
دوسری جانب دفاعی ماہرین کا کہنا ہے کہ بھارتی سیاستدان کا بھارتی فضائیہ کی ناکامی حقائق پر مبنی ہے،مودی کی قیادت میں بھارت دفاعی لحاظ سے کمزور اور سفارتی طور پر بلکل تنہا رہ گیا ہے ۔
دفاعی ماہرین کا کہنا تھا کہ مودی دور حکومت میں تمام دفاعی دعوے کھوکھلے ہو گئے ،بھارتی بری، فضائیہ اور بری فوج میں عملی صلاحیت کا شدید فقدان ہے ۔
