بھارتی فضائیہ کو ایک بار پھر عالمی سطح پر رسوائی کا سامنا، دبئی میں جاری ایئرشو کے دوران بھارت کا جنگی طیارہ تیجس گر کر تباہ ہوگیا اور پائلٹ ہلاک ہوگیا ۔
دبئی: بھارتی فضائیہ نے تصدیق کی ہے کہ دبئی میں انٹرنیشنل ایئرشو کے دوران بھارتی فضائی کا جنگی طیارہ تیجس گر کر تباہ ہوا ہے جس میں پائلٹ ہلاک ہو گیا ۔
شو میں فضائی کرتب دکھاتے ہوئے بھارت کا طیارہ گر کر تباہ ہوگیا، طیارے کو حادثہ ایئرشو کے آخری روز پیش آیا جس کے فوری بعد ریسکیو آپریشن شروع کردیا گیا ۔
بھارتی میڈیا کے مطابق حادثے کی ابتدائی رپورٹ میں بتایا گیا ہے کہ طیارہ تکنیکی خرابی کے باعث گر کر تباہ ہوا، حادثے کے بعد ایئر شو کو عارضی طور پر معطل کردیا گیا، گرنے والے طیارے کا پائلٹ ہلاک ہوگیا ۔
بھارتی میڈیا نے بتایا کہ کچھ دن قبل تیجس طیارے کا آئل بھی لیک ہوا تھا جس کی ویڈیو سامنے آئی تھی ۔
بھارتی میڈیا نے اپنی رپورٹ میں مزید بتایا کہ طیارے کو حادثہ مقامی وقت کے مطابق 2 بج کر 10 منٹ پر پیش آیا ۔
