پاک فوج کے شعبہ تعلقات عامہ آئی ایس پی آر کے مطابق شمالی وزیرستان میں پاک افغان سرحد پر دہشتگردوں کے ایک گروہ کی دراندازی کی کوشش ناکام بنا دی گئی ہے۔
آئی ایس پی آر کے مطابق دہشتگردوں کا گروہ شمالی وزیر ستان کے علاقے حسن خیل سے داخل ہونے کی کوشش کر رہا تھا، سکیورٹی فورسز کی مؤثر کارروائی میں 3 دہشتگرد ہلاک ہو گئے۔
آئی ایس پی آر نے مزید کہا ہے کہ پاکستان بار بار موثر بارڈر مینجمنٹ کیلئے کہہ چکا ہے، توقع ہے افغان عبوری حکومت اپنی سرزمین خوارج کو استعمال نہیں کرنے دے گی۔
آئی ایس پی آر نے یہ بھی کہا ہے کہ پاکستان کی سکیورٹی فورسز دہشت گردی کے خاتمے کیلئے پُرعزم ہیں۔
