ایران نے اسرائیلی حملے رکنے تک کسی سے مذاکرات نہ کرنے کا اعلان کیا ہے ۔ ایرانی سرکاری میڈیا سے بات چیت کرتے ہوئے وزیر خارجہ سید عباس عراقچی نے واضح الفاظ میں کہا ہے کہ جب تک اسرائیل کے حملے جاری رہیں گے، ایران کسی سے بات چیت نہیں کرے گا۔
انہوں نے امریکی میڈیا میں جاری ان خبروں کو جھوٹ پر مبنی قرار دیا جن میں دعویٰ کیا گیا تھا کہ ایران اور امریکہ کے درمیان رابطے ہو رہے ہیں۔ عباس عراقچی نے کہا کہ ایرانی جواب کے بعد لگتا ہے دیگر ممالک خود کو اس جارحیت سے دور رکھیں گے۔ انہوں نے ہم نے امریکہ سے کوئی بات چیت یا رابطہ نہیں کیا، ہم امریکہ کو ایران پر جارحیت میں صہیونی حکومت کا شریک اور مجرم سمجھتے ہیں۔
ایرانی وزیر خارجہ نے واضح کیا کہ امریکہ نے کئی بار مذاکرات کی خواہش ظاہر کی، لیکن ہم نے ہر بار واضح کیا جب تک حملے بند نہیں ہوتے، کوئی مکالمہ نہیں ہوگا۔
