ایران کے صدرمسعود پزشکیان اسلام آباد پہنچ گئے، صدر مملکت آصف علی زرداری، وزیراعظم شہبازشریف وزیر داخلہ محسن نقوی اور دیگر اعلیٰ حکام نے معزز مہمان کا استقبال کیا ۔
ایرانی صدرمسعود پزشکیان ایک روزہ دورے پر پاکستان پہنچے ہیں جہاں ان کے طیارے نے اسلام آباد کے نور خان ائیربیس پر لینڈ کیا، نور خان ائیر بیس پر صدرآصف زردرای، وزیراعظم شہباز شریف، نائب وزیراعظم اسحاق ڈار اور وزیر داخلہ محسن نقوی سمیت دیگر حکام نے ایرانی صدر کا پرتپاک استقبال کیا ۔
ایرانی صدر جس طیارے پر پاکستان آئے اس کا نام ’میناب‘ ایران میں سکول پر حملے میں شہید بچوں کے نام پر رکھا گیا ہے ۔
ایرانی صدر کو پاکستان پہنچنے پر 21 توپوں کی سلامی پیش کی گئی، نور خان ایئر بیس پر پاک فضائیہ کے طیاروں نے بھی معزز مہمان کو سلامی پیش کی ۔
ایرانی حکام کاکہنا ہےکہ دورے کا مقصد امریکہ ایران ثالثی کیلئے پاکستان کی کوششوں کو سراہنا ہے، وہ اپنے دورے میں ثالثی کردار پر وزیراعظم شہباز شریف کا شکریہ بھی ادا کریں گے ۔
