اسلام آباد کے علاقے ترلائی میں واقع امام بارگاہ کے گیٹ پر دھماکہ ہوا ہے جس کے نتیجے میں 10 سے زائد افراد جاں بحق اور متعدد کے زخمی ہونے کی اطلاع ہے ، اسلام آباد انتظامیہ نے دارالحکومت کے ہسپتالوں میں ایمرجنسی نافذ کردی ۔
اسلام آباد: انتظامیہ کے مطابق مضافاتی علاقہ ترلائی میں امام بارگاہ کی گیٹ کے باہر زوردار دھماکہ ہوا جس میں اب تک کی اطلاع کے مطابق 10 سے زائد افراد کے جاں بحق ہونے اور متعدد کے زخمی ہونے کی اطلاع ہے ۔
پولیس اور ریسکیو کی ٹیمیں موقع پر روانہ ہوگئیں جبکہ انتظامیہ کی جانب سے اسلام آباد کے ہسپتالوں میں ایمرجنسی نافذ کر دی گئی ۔
وفاقی دارالحکومت کے پولی کلینک، پمز اور سی ڈی اے ہسپتال میں ایمرجنسی نافذ کر دی گئی، بم ڈسپوزل سکواڈ دھماکے کی نوعیت سے متعلق تحقیقات کر رہا ہے ۔
زخمیوں کو پمز اور پولی کلینک ہسپتال منتقل کیا جا رہا ہے، مین ایمرجنسی، آرتھو پیڈک، برن سینٹر اور نیورو ڈیپارٹمنٹ فعال ہیں ۔
