پشاور (خصوصی رپورٹر): سابق وفاقی وزیر اور مروت قوم کے مرکزی رہنما سلیم سیف اللہ نے کہا ہے کہ امریکہ، اسرائیل اور ایران کے درمیان جنگ بندی پاکستان کی ایک تاریخی سفارتی کامیابی ہے۔ ان کا کہنا تھا کہ پاکستان کی مؤثر سفارتی کوششوں کے باعث دنیا ایک ممکنہ بڑی جنگ، حتیٰ کہ تیسری عالمی جنگ کے خطرے سے محفوظ رہی۔
انہوں نے مزید کہا کہ پوری قوم اور عالمی برادری پاکستان کی ثالثی کردار اور متوازن خارجہ پالیسی کو سراہ رہی ہے۔ سلیم سیف اللہ کے مطابق پاکستان ایک مملکتِ خداداد ہے جس کی حفاظت اللہ تعالیٰ ہمیشہ فرماتا آیا ہے اور آئندہ بھی فرمائے گا۔ انہوں نے یہ بھی کہا کہ پاکستان کے دشمن، خصوصاً بھارت اور افغانستان میں موجود اس کے عناصر، اپنے انجام کو پہنچیں گے اور ہمیشہ ناکام و نامراد رہیں گے۔
