پشاور (خصوصی رپورٹر): سابق صوبائی صدر پیپلز پارٹی خیبرپختونخوا سید ظاہر علی شاہ نے اخبار خیبر سے گفتگو کرتے ہوئے کہا ہے کہ پاکستان کی مثالی اور کامیاب ثالثی کے نتیجے میں ایران، امریکہ اور اسرائیل کے درمیان جاری کشیدگی ختم ہو گئی ہے، جس کی تعریف دنیا بھر میں کی جا رہی ہے۔
انہوں نے کہا کہ پاکستان کی اس سفارتی کامیابی پر بھارت میں اپوزیشن جماعتیں اور حکومتی عہدیدار بھی وزیراعظم نریندر مودی پر سخت تنقید کر رہے ہیں۔ ان کے مطابق آج سفارتکاری کے میدان میں پاکستان کا نام عزت و احترام کے ساتھ لیا جا رہا ہے، جس پر ہر پاکستانی کا سر فخر سے بلند ہو گیا ہے۔
سید ظاہر علی شاہ نے مزید کہا کہ پوری قوم کو چاہیے کہ وہ اس کامیابی پر بطور قوم یومِ تشکر بھرپور انداز میں منائے۔
