پشاور (شوبز ڈیسک): پشاور سنٹر خیبر ٹیلی ویژن رواں سہ ماہی میں طنز و مزاح پر مبنی ایک نصیحت آموز ڈرامہ سیریل “کور اور” پیش کر رہا ہے۔ اس سیریل کے پروڈیوسر فیمید خان ہیں جبکہ نمایاں اداکاروں میں شہنشاہ آفریدی، نوراں شاہ، شہنازہ شاوری، رخسار، زینب اور عزیر شیرپاؤ شامل ہیں۔
یہ ڈرامہ سیریل میاں بیوی اور سسر کے درمیان روزمرہ گھریلو مسائل اور خصوصاً گھر داماد اور برادر نسبتی کے درمیان دلچسپ نوک جھونک پر مبنی کہانی پیش کرتا ہے، جسے ناظرین کی جانب سے خوب پذیرائی مل رہی ہے۔ نوراں شاہ اس سیریل میں سسر کا کردار بخوبی نبھا رہے ہیں۔
خوبصورت لوکیشنز، توجہ طلب مکالمے، ان ڈور گھریلو سیٹس، معیاری پروڈکشن اور بیک گراؤنڈ میوزک اس ڈرامے کی مقبولیت کی اہم وجوہات ہیں، جبکہ یہ سیریل پروڈیوسر کی تجربہ کاری اور خصوصی دلچسپی کا بھی مظہر ہے۔
