پشاور (خصوصی رپورٹر) – اظہار بوبی کا ڈرامہ سیریل "زنزیرونہ” اپنے حساس اور معاشرتی اہمیت کے حامل موضوع کی وجہ سے نہ صرف پاکستان بلکہ دنیا بھر میں دیکھا اور پسند کیا گیا۔
خیبر ٹیلی ویژن نیٹ ورک کا اعزاز یہ رہا ہے کہ وہ ہمیشہ ایسے ڈرامے پیش کرتا ہے جو نصیحت آموز اور معاشرتی اصلاح کے لیے مفید ہوں۔ اظہار بوبی، پروڈیوسر، ڈائریکٹر اور لکھاری کے طور پر گزشتہ دو دہائیوں سے لاتعداد ڈرامہ سیریلز پیش کرچکے ہیں جو ناظرین میں بے حد مقبول ہوئے ہیں۔
گذشتہ سال 2025 میں ان کا کلاسیکل سیریل "نیمگڑے ارمان” بھی خیبر ٹی وی پر نشر ہوا، جس نے منفرد موضوع کے ساتھ ناظرین کو متاثر کیا۔ اس کے بعد اظہار بوبی نے "زنزیرونہ” پروڈیوس کیا، جو اردو اور پشتو دونوں زبانوں میں خیبر اور KTV پر نشر ہوا۔
اس سیریل میں سود کے کاروبار کرنے والے اور ایسے سیاسی وڈیرے دکھائے گئے جو انسانی شکل میں ناسور ہیں اور سود کی وصولی کے لیے انسانی رشتوں اور مذہبی اقدار کو بھی پامال کرتے ہیں۔ "زنزیرونہ” میں ان کا انجام حقیقی مکافات عمل کا سبق پیش کرتا ہے۔
نمایاں اداکاروں میں تروت علی، اصف خان، سلیم شوق، طارق جمال، شہناز پشوری، نیھاعلی، فیمید خان، نیک محمد، سجاد خلیل، الیاس خلیل، مینیہ شمس اور سلطان حسین شامل ہیں۔
