راولپنڈی میں لیاقت باغ اور مری روڈ پر مہنگی بجلی، ٹیکسز اور مہنگائی کے خلاف جماعت اسلامی کا دھرنا 10 ویں روز بھی جاری ہے۔
جماعت اسلامی اور حکومتی مذاکراتی کمیٹیوں کے مابین اب تک مذاکرات کے 2 دور ہوچکے ہیں جو تاحال بے نتیجہ رہے۔
جماعت اسلامی نے واضح کیا ہے کہ مطالبات کی منظوری تک نہ صرف دھرنا جاری رہے گا بلکہ اسے ملک گیر سطح تک پھیلایا جا سکتا ہے۔
مری روڈ کی ایک سائیڈ عام ٹریفک کی کھلی ہے اور ٹریفک رواں دواں ہے جبکہ کاروباری سرگرمیاں بھی معمول کے مطابق جاری ہیں۔
دوسری جانب، کراچی میں بھی جماعت اسلامی کے تحت گورنر ہاؤس کے باہر دوسرے روز بھی دھرنا جاری ہے۔
جماعت اسلامی کی قیادت نے مطالبات کی منظوری تک دونوں شہروں میں دھرنے جاری رہنے کا اعلان کر رکھا ہے۔
Jamaat-e-Islami's sit-in against inflation has entered the 10th day
