Close Menu
اخبارِخیبرپشاور
    مفید لنکس
    • پښتو خبرونه
    • انگریزی خبریں
    • ہم سے رابطہ کریں
    Facebook X (Twitter) Instagram
    جمعہ, جولائی 11, 2025
    • ہم سے رابطہ کریں
    بریکنگ نیوز
    • خیبرپختونخوا میں بارشوں کا سلسلہ 17 جولائی تک جاری رہنے کا امکان
    •  بلوچستان میں پنجاب سے تعلق رکھنے والے 9 مسافروں کو گاڑی سے اغوا کرکے شہید کردیا گیا
    • سیاسی خانہ بدوش اور سیاسی ہجرتیں
    • قلات، مستونگ اور لورالائی میں دہشتگردوں کے حملے،متعدد مسافر اغوا،ترجمان بلوچستان حکومت
    • چارسدہ: جمال آباد سے لاپتہ چار سالہ بچے کی لاش نالے سے برآمد
    • مہمند: پولیس نے بروقت کارروائی کرتے ہوئے دہشتگردی کا بڑا منصوبہ ناکام بنادیا
    • انصاف کا نیا سورج: قبائلی بستی سے مصنوعی ذہانت تک
    • بھارتی حمایت یافتہ اور سپانسرڈ پراکسیز کے خلاف فیصلہ کن کارروائیاں جاری رکھنا ناگزیر ہے،کورکمانڈرز
    Facebook X (Twitter) RSS
    اخبارِخیبرپشاوراخبارِخیبرپشاور
    پښتو خبرونه انگریزی خبریں
    • صفحہ اول
    • اہم خبریں
    • قومی خبریں
    • بلوچستان
    • خیبرپختونخواہ
    • شوبز
    • کھیل
    • دلچسپ و عجیب
    • بلاگ
    اخبارِخیبرپشاور
    آپ پر ہیں:Home » 26جون،انسداد منشیات کا عالمی دن منایا جارہا ہے
    اہم خبریں

    26جون،انسداد منشیات کا عالمی دن منایا جارہا ہے

    جون 26, 2024Updated:جون 27, 2024کوئی تبصرہ نہیں ہے۔4 Mins Read
    Facebook Twitter Email
    June 26, World Anti-Drug Day is being observed
    Share
    Facebook Twitter Email

    اسلام آباد (تحسین اللہ تاثیر) 26 جون  دنیا بھر میں منشیات کے استعمال اور غیر قانونی کاروبار کے خلاف عالمی دن کے طور پر منایا جاتا ہے۔اس دن کو منانے کا بنیادی مقصد لوگوں میں منشیات  کے مضر اثرات کو اجاگر کرنا اور آگاہی پیدا کرنا ہے۔

    اس وقت دنیا بھر میں کروڑوں افرادمنشیات استعمال کررہے ہیں جن میں کم عمر بچوں سے لے کر 65 سال کے افراد بھی شامل ہیں۔ اسی طرح  پاکستان میں بھی منشیات استعمال کرنے والے افراد کی تعداد میں ہرسال اضافہ ہورہا ہے۔طبی و نفسیاتی ماہرین کے مطابق نئی نسل میں نشہ آور اشیا کے استعمال کا رجحان زیادہ ہونے کے مختلف اسباب ہیں جن میں دولت کی انتہائی فراوانی یا انتہائی غربت، دوستوں کی بری صحبت، اپنے مقاصد میں ناکامی، حالات کی بے چینی و  مایوسی، معاشرتی عدم مساوات و ناانصافی، والدین کے گھریلو تنازعات بنیادی طور پر مانے جاتے ہیں۔

    بیس کروڑ سے زائد افراد منشیات کے عادی ہیں

    اقوام متحدہ کی ایک رپورٹ کے مطابق اس وقت دنیا میں 20 کروڑ سے زائد افراد منشیات کے عادی ہیں۔ منشیات کا استعمال سب سے زیادہ براعظم امریکا میں کیاجاتا ہے۔ ہیروئن کے استعمال میں تعداد کے حوالے سے ایشیا سرفہرست ہے۔ اس وقت پوری دنیا میں منشیات کی سب سے زیادہ ڈیمانڈ  یورپ میں ہے۔ جہاں تقریباً 75فیصد لوگ ذہنی دباو  اور دیگر امراض سے وقتی سکون حاصل کرنے کیلئے منشیات کا سہارا لیتے ہیں۔

    ایک رپورٹ کے مطابق  اس وقت 90 فیصد منشیات افغانستان میں پیدا ہو رہی ہے۔ جس میں سے 40فیصد منشیات پاکستان سمگل کر دی جاتی ہیں اور پھر پاکستان سے آگے مختلف ممالک کو سمگل ہوتی ہیں اور باقی 50فیصد منشیات افغانستان سے وسطی ایشیائی ممالک براستہ بندر عباس ایران اور مختلف دوسرے راستوں سے آگے سمگل کر دی جاتی ہیں۔

    شراب اور منشیات کے استعمال سے سالانہ 30 لاکھ اموات

    یو این  کے عالمی ادارہ صحت کے مطابق دنیا بھر میں شراب اور منشیات کے استعمال سے سالانہ 30 لاکھ اموات ہونے لگیں۔ جن میں 26 لاکھ اموات شراب نوشی اور 4 لاکھ اموات دیگر منشیات کے استعمال کی وجہ سے ہوتی ہیں جن میں اکثریت مردوں کی ہے۔رپورٹ میں کہا گیا ہے کہ دنیا بھر میں ہر 20 میں سے ایک فرد کی موت کی وجہ شراب نوشی ہے۔

    وزیراعظم شہبازشریف اور وزیر داخلہ محسن نقوی کے پیغامات

    انسداد منشیات کے عالمی دن کے موقعے پر وزیراعظم شہباز شریف نے کہا کہ ہمارے معاشرے میں منشیات سے منسلک جرائم کی بڑھتی ہوئی تعداد تشویش ناک ہے اور حکومت ان کے سد باب کے لیے پر عزم ہے۔ وزیراعظم نے کہا کہ منشیات کے استعمال اور غیر قانونی سمگلنگ کے خلاف عالمی دن منانے کا مقصد منشیات کی غیر قانونی سمگلنگ کے سد باب کے لیے حکومت کی مشترکہ ذمہ داری کا اعادہ ہے۔ منشیات ہمارے معاشرے کی بقا کے لیے خطرہ ہیں۔  مشترکہ کوششوں کے ذریعے سے ہی ہم  ملک میں  منشیات اور ممنوعہ اشیا کی تقسیم کو روکنے میں کامیاب ہو سکتے ہیں۔

    وفاقی وزیر داخلہ محسن نقوی نے کہا ہے کہ  منشیات کے استعمال اور سمگلنگ کے خلاف حکومت پاکستان اس چیلنج کی شدت کو تسلیم کرتے ہوئے نیشنل اینٹی نارکوٹکس پالیسی 2019 کے تحت منشیات کے استعمال اور سمگلنگ کے خلاف جامع اقدامات کر رہی ہے۔یہ پالیسی ایک جامع نقطہ نظر پر مشتمل ہے جس میں منشیات کی طلب اور فراہمی میں کمی اور بین الاقوامی تعاون شامل ہے۔

    ڈائریکٹر جنرل اینٹی نارکوٹکس فورس کا پیغام

    ڈائریکٹر جنرل انٹی نارکوٹکس فورس عبدالمعید نے انسداد منشیات کے عالمی دن پر اپنے پیغام میں کہا کہ منشیات کے استعمال کی بڑھتی ہوئی لہر ہمارے  لئے ایک بڑا چیلنج ہے۔منشیات کی روک تھام، علاج و بحالی، اورنفاذ قانون کیلئے مضبوط حکمت عملی اپناتے ہوئے مستحکم اقدامات وقت کی ضرورت ہے۔ اس مسئلے کو جڑ سے ختم کرنے کیلئے ایک متفقہ نقطہ نظرکو اپنا کر ہم اپنے مستقبل کی حفاظت کرسکتے ہیں اور اپنے گلی محلوں اور ماحول کو منشیات کی لعنت سے پاک کر سکتے ہیں۔

     

     

     

     

     

     

     

     

    Share. Facebook Twitter Email
    Previous Articleافغان طالبان ٹی ٹی پی کے سرپرست ثابت ہوگئے
    Next Article جنوبی افریقہ نے افغانستان کو نو وکٹوں سے شکست دے دی
    Mahnoor

    Related Posts

    خیبرپختونخوا میں بارشوں کا سلسلہ 17 جولائی تک جاری رہنے کا امکان

    جولائی 11, 2025

     بلوچستان میں پنجاب سے تعلق رکھنے والے 9 مسافروں کو گاڑی سے اغوا کرکے شہید کردیا گیا

    جولائی 11, 2025

    قلات، مستونگ اور لورالائی میں دہشتگردوں کے حملے،متعدد مسافر اغوا،ترجمان بلوچستان حکومت

    جولائی 10, 2025
    Leave A Reply Cancel Reply

    Khyber News YouTube Channel
    khybernews streaming
    فولو کریں
    • Facebook
    • Twitter
    • YouTube
    مقبول خبریں

    خیبرپختونخوا میں بارشوں کا سلسلہ 17 جولائی تک جاری رہنے کا امکان

    جولائی 11, 2025

     بلوچستان میں پنجاب سے تعلق رکھنے والے 9 مسافروں کو گاڑی سے اغوا کرکے شہید کردیا گیا

    جولائی 11, 2025

    سیاسی خانہ بدوش اور سیاسی ہجرتیں

    جولائی 10, 2025

    قلات، مستونگ اور لورالائی میں دہشتگردوں کے حملے،متعدد مسافر اغوا،ترجمان بلوچستان حکومت

    جولائی 10, 2025

    چارسدہ: جمال آباد سے لاپتہ چار سالہ بچے کی لاش نالے سے برآمد

    جولائی 10, 2025
    Facebook X (Twitter) Instagram
    تمام مواد کے جملہ حقوق محفوظ ہیں © 2025 اخبار خیبر (خیبر نیٹ ورک)

    Type above and press Enter to search. Press Esc to cancel.