شہرِ قائد کراچی کے مختلف علاقوں میں گرمی کی شدت میں اضافے کے بعد ہیٹ سٹروک کے باعث 8 افراد جان کی بازی ہا رگئے ، دوسری جانب خیبر پختونخوا کے ضلع شانگلہ میں بارش کیساتھ ژالہ باری ہوئی ہے جس کے بعد موسم ایک بار پھر سر ہو گیا ۔
کراچی: ریسکیو حکام نے بتایا کہ شہر کے مختلف علاقوں میں نشے کی زیادتی سے 3 جب کہ دورانِ علاج 4 افراد دم توڑگئے ۔
ریسکیو رپورٹ میں کہا گیا ہے کہ گرمی کی شدت سے ایک شخص جاں بحق ہوا اور منگھوپیر ، گلشن حدید ، ڈیفنس فیز8 میں 3 افراد کی لاشیں ملیں ۔
کلفٹن ، لیاقت آباد اور سپر ہائی وے کے علاقوں میں 3 افراد دوران علاج چل بسے، دوسری جانب بلدیہ سپارکو روڈ طیبہ مسجد کے قریب سے ایک شخص کی لاش برآمد ہوئی ، عینی شاہدین نے بتایا کہ جاں بحق شخص کی موت کی وجہ گرمی کی شدت سے ہوئی ۔
دوسری جانب خیبر پختونخوا کے ضلع شانگلہ کے مختلف علاقوں میں بارش ہوئی اور ژالہ باری بھی ریکارڈ کی گئی، جس کے بعد علاقے میں تیار فصلوں کو شدید نقصان پہنچا ہے ۔
بارش اور ژالہ باری کے بعد شانگلہ کے مختلف علاقوں میں ایک بار پھر موسم سرد ہو گیا ہے،محکمہ موسمیات نے آئندہ 24 گھنٹوں کے دوران خیبر پختونخوا سمیت بعض دیگر علاقوں میں مزید بارش کی پیشنگوئی کی ہے ۔
