پشاور:خیبرپختونخوامیں گزشتہ 4 ماہ میں بچوں کے ساتھ زیادتی کے 128 واقعات رپورٹ ہوئے ہیں، رواں سال صوبے میں تشدد یا دیگر واقعات میں 36 بچوں کی اموات بھی رپورٹ ہوئیں ۔
پشاور کے سینٹرل پولیس آفس کی رپورٹ کے مطابق ایف آئی ار کے اندراج پر ان میں ملوث 205 ملزمان نامزدہوئے، 183 ملزمان کو قانون کے کٹہرے تک پہنچا کر 89 فیصد کامیابی سے ہمکنار ہوئے ۔
دوسری جانب آئی جی خیبرپختونخوا ذوالفقار حمید کا کہنا ہے کہ صوبائی پولیس بچوں کے تحفظ اور انہیں محفوظ اور پرامن ماحول کی فراہمی کے لئے کوشاں ہے ۔
آئی جی پی کا کہنا ہے کہ بچوں پر عدم تشدد کی پالیسی پر کاربند ہیں، کمسن ملزمان سے متعلق جیوینائل قانون کے تحت کارروائی کی جاتی ہے ۔
انہوں نے کہا کہ بچوں پر تشدد کے واقعات میں کمی مربوط حکمت عملی کا نتیجہ ہے،جہاں پروایکٹیو اور کمیونٹی پولیسنگ کے تحت گاوں کی سطح پر علاقہ عمائدین ساتھ ملکر اقدامات کررہی ہے ۔
