خیبرپختونخوا:چاند رات اورعید کے موقع پراسلحے کی نمائش پر پابندی

خیبر پختونخوا میں چاند رات اورعید کے موقع پراسلحے کی نمائش پر پابندی عائد کردی گئی ہے

خیبر پختونخوا حکومت کا چاند رات اورعید الفطر کے موقع پر اسلحے کی نمائش اور ہوائی فائرنگ پر پابندی عائد کردی گئی ہے ۔ اس حوالے سے وزیراعلیٰ علی امین گنڈا پورکا کہنا تھا کہ پابندی کا مقصد چاند رات کے موقع پر ہوائی فائرنگ کی وجہ سے انسانی جانوں کے ممکنہ ضیاع کو روکنا ہے۔وزیر اعلیٰ سیکرٹریٹ نے وزیر اعلیٰ کی ہدایت پر تمام ڈپٹی کمشنرز اور ڈسٹرکٹ پولیس افسران کو مراسلہ جاری کردیا ہے۔

ہوائی فائرنگ پر پابندی کی خلاف ورزی کرنے والوں کے خلاف سخت کارروائی عمل میں لائی جائے گئی۔ہوائی فائرنگ سے چاند رات اور عید کے موقع پر مکمل طور پراجتناب کرنے کی ہدایت کی گئی ہے ۔علی امین گنڈاپور نے کہا ہے کہ ہوائی فائرنگ کرنا ایک قانونی جرم اور معاشرتی برائی ہے جو کسی کی عید کی خوشیوں کو زندگی بھر کے غم میں تبدیل کرسکتی ہےاپنی چند لمحوں کی خوشی کے لئے شہری کسی کے گھر کو ماتم کدہ نہ بنائیں۔