پشاور (شوبز ڈیسک) — مقبول فلم اسٹار امان خان، جو فلم انڈسٹری سے ریٹائرمنٹ کے بعد پشاور میں مستقل طور پر مقیم ہیں، نے کہا ہے کہ شوبز کیریئر کے بعد وہ ایک نسبتاً خاموش اور سادہ زندگی گزار رہے ہیں۔
انہوں نے اخبار خیبر کو دیے گئے ایک انٹرویو میں بتایا کہ انہوں نے تقریباً 40 سال فلم انڈسٹری میں بطور ہیرو اور ولن کام کیا، تاہم وہ اپنی توقعات کے مطابق بڑی کامیابی حاصل نہ کر سکے۔ ان کا کہنا تھا کہ انہوں نے اپنی ناکامیوں اور تجربات پر مبنی ایک کتاب بھی تحریر کی ہے۔
امان خان نے افسوس کا اظہار کرتے ہوئے کہا کہ پاکستان میں فنکاروں کو وہ مقام نہیں ملتا جس کے وہ مستحق ہوتے ہیں، حالانکہ ان کی فنی خدمات قابلِ قدر ہوتی ہیں۔
انہوں نے مزید کہا کہ اس وقت خیبر ٹیلی ویژن واحد چینل ہے جو ان جیسے لیجنڈ فنکاروں کو نہ صرف یاد رکھتا ہے بلکہ ان کی خدمات کو سراہتا بھی ہے، جس کا اعتراف پشتون فنکار برادری بھی کھل کر کرتی ہے۔
